Хастаханә тарихы. - ГАУЗ Детская городская больница №8 г. Казани

Рус телендә
Хастаханә тарихы..

1972нче ел - Казанда ГИДУВ каршысында балалар неврологиясе кафедрасы ачыла. Кафедраның беренче җитәкчесе медицина фәннәре докторы, профессор Ратнер Александр Юрьевич була һәм ул Казанда балалар неврологиясенә нигез салучы булып та санала.

Казанда беренче балалар неврологиясе бүлеге 6нчы балалар хастаханәсендә оештырыла. Анда башта 6 урын гына була.

1988нче ел - Казанның Совет районындабалалар неврологиясе бүлегенә һәм кафедрасына яңа бина бирелә. Монда Казан шәһәренең 8нче балалар хастаханәсе ачыла.

1990нчы ел - Хастаханәдә Россиядә беренче булып имчәк балалар һәм кече яшьтәге психоневрология авырулы балалар өчен бүлек ачыла. Хастаханә белгечләре Германиядә, Польшада үз белемнәрен күтәрәләр һәм эштә Войта буенча кинезиотерапияне кертә башлыйлар.

2001нче ел - Эпилепсия (өянәк) авыруына диагноз кую һәм дәвалау буенча шәһәр кабинеты эшли башлый.

2004нче ел - Хастаханәгә Татарстан Республикасының атказанган фән эшлеклесе, профессор А. Ю. Ратнер исеме бирелә.

2005нче ел – Заман буенча җиһазландырылган ЭЭГ-видеомониторинг кабинеты эшли башлый.

2006нчы ел – Неврология буенча авыру балалар өчен көндез дәвалану бүлеге ачыла.

2008нче ел – Балаларда игътибарлык җитмәүгә һәм артык активлык булуга диагноз кую һәм аны дәвалау кабинеты ачыла.

2009нчы ел – Балаларның муен тамырларын тикшерү методикасы кертелә.

2014нче ел – Кече яшьтәге балаларның оча-бот (тазобедренный) буынын тикшерү буенча УЗИ кертелә.

2015нче ел – Эпилепсия авыруын дәвалау буенча пульс-терапия кертелә.

2018нче ел – Тел үсеше патологиясе кабинеты ачыла.

2020нчы ел – БТА-терапия методикасы эшкә кертелә.